Tetë civilë u vranë në mes të një evakuimit në Irpin – një lagje në perëndim të Kievit që pa bombardime intensive të dielën – tha kryebashkiaku Oleksandr Markushyn.

Markushyn tha se rusët hapën zjarr gjatë një evakuimi nëpër një urë.

“Një familje e tëra u vra”, – tha ai duke shtuar se “ para syve më vdiqën dy fëmijë të vegjël dhe dy të rritur”.

Kryetari i qytetit tha se një tjetër evakuim i civilëve do të fillonte nesër në orët e para të mëngjesit.

Ndryshe, OKB ka njoftuar gjatë ditës së sotme se së paku 364 civilë ukrainas të vrarë gjatë agresionit rus.

Irpin’s mayor Oleksandr Markushyn said he saw 4 people die today: 2 adults and 2 children, who were trying to evacuate. He said in total 8 died. He says part of the city is under Russian control but ‘Irpin has not surrendered, Irpin is fighting’ pic.twitter.com/5qvxBpn99b

— Isobel Koshiw (@IKoshiw) March 6, 2022