Teherani ka qëndruar relativisht i qetë gjatë ditëve të fundit, pas disa javësh protestash të dhunshme në të gjithë Iranin, por arrestimet e vazhdueshme dhe ndërprerja e internetit tregojnë se tensionet mbeten të larta.

Banorët raportojnë se rrugët në kryeqytet dhe në pjesë të tjera të vendit janë të qeta, megjithëse dronë janë parë mbi qytet dhe forcat e sigurisë vazhdojnë operacionet e tyre. Organizata NetBlocks njoftoi se lidhjet në internet kanë shënuar një rritje minimale pas një ndërprerjeje tetë-ditore, duke mbetur rreth 2% të niveleve normale, raportojnë mendiat e huaja.

Sipas grupit të të drejtave të njeriut HRAN, deri tani më shumë se 3,000 persona kanë humbur jetën gjatë protestave, shumica prej tyre protestues. Demonstratat filluan më 28 dhjetor për shkak të vështirësive ekonomike dhe u shndërruan në një valë masive kundër qeverisë.

Ndërkohë, Presidenti i SHBA-së, Donald Trump, tha se autoritetet iraniane kishin anuluar ekzekutimet masive të planifikuara, një pretendim që Teherani e mohoi. Studentët dhe pelegrinët indianë në Iran u kufizuan në akomodimet e tyre pa mundësi për të komunikuar me familjet. Ministria indiane e Punëve të Jashtme po merr masa për të garantuar sigurinë e qytetarëve të saj.

Situata aktuale tregon se, edhe pse qetësia ka mbërritur në sipërfaqe, kontrolli i shtetit mbi informacionin dhe veprimet e sigurisë mbeten të forta.