Numri i viktimave nga Uragani Ian është raportuar se ka shkuar në mbi 90, në Florida.
Ekipet e shpëtimit janë duke vazhduar kërkimin për të mbijetuarit.
Zyrtarët në Florida janë kritikuar ashpër, pasi disa banorë të zonave të goditura nga stuhitë janë ankuar se nuk kanë marrë paralajmërime të mjaftueshme për evakuim.
Të paktën gjysma e personave të vdekur janë regjistruar në qarkun Lli, ku ka zbarkuar Ian, uragan i kategorisë së katërt.
Presidenti amerikan, Joe Biden pritet të vizitojë Floridan të mërkurën.
Të hënën ai ka vizituar Puerton Rikon, vend që është goditur nga Uragani Fiona disa ditë para se Ian të godiste Floridan, dhe është zotuar se do të ndajë 60 milionë dollarë për të ndihmuar këtë territor amerikan.
“Ne do të sigurohemi që ju të merrni secilin dollar që u premtohet”, ka thënë ai.
Ndërkohë në Florida besohet se 588.000 njerëz kanë mbetur pa rrymë.
Disa kompani amerikane, përgjegjëse për furnizim me energji elektrike, kanë thënë se një pjesë e mirë e banorëve do të kenë qasje në rrymë më 7 tetor.
Ekspertët kanë thënë se kostoja ekonomike e shkaktuar nga Uragani Ian mund të shkojë në dhjetëra miliarda dollarë./rel/
Kamberi: Nëse Kosova është Serbi, a mundet Vuçiqi të shkojë ...
Hodaj: Policia e Kosovës, me performancë më të mirë në rajon
Të shtëna në Universitetin e Nevadës në Las Vegas, njoftohet...
Rama: Nëse Kosova do pranonte propozimin tim për Asociacioni...
Radoiçiq ende i lirë, Rohde: Nuk do ta lëmë me kaq
Kaderi: Gazetat në Tajlandë kanë shkruar “do vijë ‘Miss Koso...