Presidenti kolumbian, Iván Duque, njoftoi të premten (dje) se helikopteri në të cilin ndodhej bashkë me disa zyrtarë të lartë u sulmua në rajonin jugor Catatumbo në kufi me Venezuelën.

Ky ishte një rast i rrallë i sulmit të drejtpërdrejtë ndaj një avioni presidencial, shkruan The Washington Post, transmeton arbresh.info

Duque tha se të gjithë në bordin e helikopterit ishin të sigurt, duke përfshirë edhe veten, Ministrin e Mbrojtjes Diego Molano, Ministrin e Brendshëm Daniel Palacios dhe guvernatorin e shtetit Norte de Santander, Silvano Serrano. Ata sapo kishin marrë pjesë në një ngjarje të titulluar “Paqja me ligjshmërinë, kapitulli i Qëndrueshëm i Catatumbo”.

“Unë dua të informoj vendin se pas përmbushjes së një angazhimi në Sardenjën, në Catatumbo që i afrohej qytetit të Cúcuta, helikopteri presidencial ishte cak i një sulmi,” tha presidenti.

Ai shtoi se pajisjet dhe aftësitë e helikopterit “parandaluan të ndodhte diçka vdekjeprurëse”.

Një video e lëshuar nga presidenca tregoi disa vrima plumbash në helikopterin e forcës ajrore kolumbiane. /arbresh.info/