Sulmohet burgu në Afganistan, lirohen qindra militantë

00:32 | 15 Shtator 2015
Gita

Të paktën 148 nga 355 të dënuar para dy ditësh në burgun qendror të provincës jug-perëndimore të Ghaznit, falë një sulmi të talibanëve, janë “elementë shumë të rrezikshëm për sigurinë e Afganistanit”.

Kështu u shprehën përgjegjësit lokalë, sipas asaj që u konfirmua edhe nga Ministria e Brendshme në Kabul.

Një komandë kryengritësish, ka bërë të ditur një zëdhënës lokal, ka shpërthyer një ngarkesë të madhe me eksploziv në hyrje të burgut, duke lejuar arratisjen e qindra militantëve që kanë hapur qelitë. Në burg ndodheshin 436 të dënuar dhe janë arratisur 335, ku 148 prej tyre paraqesin rrezikshmëri të lartë.

Ka nisur kërkimi i tyre në një operacion masiv të policisë, por deri tani nuk ka dhënë asnjë rezultat. Sulmi është marrë përsipër nga talibanët./gazetashqip