Autoritetet në Mariupol kanë thënë se rreth 300 njerëz u vranë nga sulmet me bombë gjatë javës së kaluar.

Sulmi në teatrin e Mariupolit konsiderohet si më vdekjeprurësi që kur Moska filloi pushtimin e saj në Ukrainë para një muaji, trasnmeton portal arbresh.info

Shifra, bazuar në rrëfimet e dëshmitarëve, erdhi pasi ekipi i Kombeve të Bashkuara për të drejtat e njeriut në Ukrainë tha se kishte raporte për varre masive në qytetin jugor.

Numri i të vdekurve në Mariupol u zbulua ndërsa Kremlini la të kuptohet të premten se mund të zvogëlojë ambiciet e tij të luftës, duke thënë “faza e parë” e luftës ka përfunduar.

Civilët e bllokuar në Mariupol, që dikur ishte shtëpi e 400 mijë njerëzve, janë strehuar nëpër bodrume me shumë pak ushqim dhe ujë.

Rreth 1,300 njerëz besohet se kanë qenë në ndërtesë kur ajo u godit dhe 150 të mbijetuar dolën nga rrënojat pas sulmit.

Qeveria ukrainase më parë tha se ishte e pamundur të thuhej se sa njerëz u vranë sepse Mariupol ishte në kaos dhe nën bombardime pothuajse të vazhdueshme nga forcat ruse.

Mbrojtja ukrainase u forcua të enjten nga shkatërrimi i anijes zbarkuese Orsk të ankoruar në Berdyansk në Detin Azov duke përdorur raketa balistike ukrainase. Dy anije të tjera u bënë jofunksionale.

Orsk, i cili përmbante armë dhe furnizime për forcat që luftonin në Mariupol, ishte në gjendje të mbante 20 tanke, 45 automjete të blinduara dhe 400 trupa./guardian/arbresh.info/