Tre persona në qytetin verior izraelit të Haifa-s u vranë në sulmet me raketa të Iranit gjatë natës mbi Izraelin, tha shërbimi kombëtar i emergjencës i vendit, Magen David Adom.

Kjo e çon numrin e të vdekurve nga sulmet e natës në tetë – një person i vrarë në qytetin qendror izraelit të Bnei Brak dhe katër në Petah Tikva, shkruan CNN.

Videot treguan shpërthime që goditën zonën përreth një rafinerie nafte në Haifa, duke dëmtuar ndërtesat dhe duke i vënë flakën infrastrukturës.

Njëzet e tre persona janë vrarë në Izrael që kur të dy vendet filluan shkëmbimin e raketave të premten, sipas zyrës së Kryeministrit izraelit.

Të paktën 224 persona janë vrarë në Iran që nga fillimi i armiqësive, tha të dielën ministria e shëndetësisë e vendit, siç citohet nga media zyrtare e Iranit./abcnews.al