Të paktën dhjetë civilë janë vrarë nga një sulm terrorist me autobombë në veri të Sirisë, raporton Anadolu Agency (AA).

Sulmi është kryer në Al-Bab, qytet tashmë i kontrolluar nga opozita ushtarake në të cilin Turqia kishte realizuar operacionin “Mburoja e Eufratit”.

Sulmi po ashtu ka shkaktuar të paktën 30 civilë të plagosur, ndërsa thuhet se numri i viktimave mund të rritet.

Shumë automjete janë djegur si pasojë e shpërthimit, kurse dëme të mëdha kanë pësuar edhe ndërtesat përreth.

Në vendin e ngjarjes janë dërguar ekipet e Mbrojtjes Civile, të cilët bënë përpjekje për të shuar zjarrin që ka shpërthyer.

Forcat lokale të sigurisë janë duke zhvilluar hetim për gjetjen e autorëve të sulmit.

Ndryshe, organizata terroriste YPG/PKK, e cila është larguar nga rajoni i Afrinit pas operacionit antiterrorist turk “Dega e Ullirit”, vazhdon të mbajë nën okupim rajonin Tel Rifat në veriperëndim të qytetit Al-Bab dhe shpesh sulmon vendbanimet e kontrolluara nga Ushtria Kombëtare Siriane.

Inhumane and uncivilised PKK/YPG terrorists continue to target innocent civilians using the same methods as DAESH. This time the terrorists detonated a car bomb in the Al-Bab bus terminal in the Op Euphrates Shield area, killing 10 civilians and injuring more than 15. pic.twitter.com/t6yPWGBaoX

— T.C. Millî Savunma Bakanlığı (@tcsavunma) November 16, 2019