Stafi dhe turistët mes 25 të vrarëve në zjarrin e një klubi nate në Indi

09:48 | 7 Dhjetor 2025
E.G

Njëzet e pesë persona janë vrarë në një zjarr në një klub nate të njohur në rajonin bregdetar të Goas, Indi, thonë zyrtarët lokalë.

Shumica e viktimave besohet të jenë staf i klubit në Arpora, Goa e Veriut, ndërsa turistë janë gjithashtu mes të vdekurve.

Policia beson se një bombol gazi ka shpërthyer në kuzhinën e klubit, duke shkaktuar një zjarr që përfshiu të gjithë ambientin të shtunën, në mesnatë me orën lokale.

Të dielën në mëngjes, zyrtarët thanë se numri i viktimave ishte rritur nga shifra fillestare prej 23. Gjashtë persona të tjerë janë në gjendje të qëndrueshme në spital.

BBC ka folur me dëshmitarë në vendngjarje, të cilët përshkruan skena paniku në zonën e mbushur me jetë të natës.