Qeveria spanjolle ka sqaruar se Spanja nuk do të hapet për vizitorët ndërkombëtarë deri më 1 korrik, duke e kthyer mbrapa njoftimin e Ministrit të Turizmit, Reyes Maroto, të enjten se kufizimet në vendkalimet kufitare me Portugalinë dhe Francën do të hiqen nga 22 qershori.

“Në rastin e Francës dhe Portugalisë, unë dua të konfirmoj se kufizimet në kufijtë tokës do të hiqen nga 22 qershori”, tha Maroto në një konferencë shtypi për korrespondentët e huaj, transmeton portali arbresh.info.

Dy orë më vonë, megjithatë, qeveria qendrore publikoi një deklaratë për shtyp që tregon se “lëvizja e sigurt ndërkombëtare do të zhvillohet nga 1 korriku”, siç u njoftua më parë nga kryeministri spanjoll Pedro Sánchez.

Ministri i Jashtëm i Portugalisë Augusto Santos Silva tha se ai ishte “i befasuar” nga njoftimi i njëanshëm i Marotos për rihapjen e kufirit tokësor, raportoi Reuters.

Autoritetet spanjolle mbyllën kufijtë për të gjithë, por Spanjollët, punëtorët ndërkufitar dhe drejtuesit e kamionëve nga mesi i marsit, kur vendi hyri në bllokim në përpjekjen për të frenuar shpërthimin e koronavirusit./arbresh.info/