Rritje e numrit të infeksioneve me koronavirus në 24 orët e fundit në Spanjë.

Numri i rasteve të konfirmuara të koronavirusit në Spanjë u rrit në 188.068 të premten, tha kreu i vendit për urgjencat shëndetësore, Fernando Simon, në një konferencë shtypi, raporton CNN, transmeton lajmi.net.

Autoritetet shëndetësore identifikuan 5.252 raste të reja të virusit ndërmjet ditës së enjte dhe të premte, që paraqet një rritje prej 2.9%.

Numri ditor i vdekjeve nga sëmundja ende nuk është zbuluar. Sipas të dhënave më të fundit nga autoritetet rajonale, një total prej 19.516 në Spanjë vdiqën pas kontraktimit të COVID-19.

Ndërkohë, Ministri Spanjoll i Sigurimeve Shoqërore, Jose Luis Escriva njoftoi planet për të paguar të ardhura bazë mujore për rreth një milion familje që preken më shumë nga bllokimet e koronavirusit.