Ish sekretari i përgjithshëm i NATO-s, Javier Solana është pranuar në spital pasi rezultoi pozitiv në testin e virusit korona, raporton Reuters.

Burimet e agjencisë pohojnë se shëndeti i tij po përmirësohet, por se ai është ende nën mbikëqyrje mjekësore.

E përditshmja spanjolle ABC raportoi dje se Solana ishte shtruar në një spital në Madrid që nga e mërkura.

Solana, 77 vjeç, shërbeu si sekretar i përgjithshëm i NATO-s nga viti 1995 deri në vitin 1999.  Pastaj, deri në vitin 2010  ushtroi detyrën e përfaqësuesi të lartë për Politikën e Përbashkët të Jashtme dhe të Sigurisë në BE.

Më parë, nga viti 1992 deri në vitin 1995 ai ishte shef i diplomacisë spanjolle.

Ai të hënën mori pjesë në një ngjarje të organizuar nga ministri aktual i Punëve të Jashtëm në Spanjë, Aranca Gonzalez Laya./alsat/