S’ka më internet për ushtarët rusë

23:08 | 5 Tetor 2017
Trina Galanxhi

Ministria e Mbrojtjes në Rusi ka hartuar një ligj për të ndaluar postimet në rrjetet sociale nga ushtarët dhe personeli ushtarak.

Ligji thotë se fotot, videot dhe materialet e tjera të ngarkuara në internet mund të zbulojnë detaje ushtarake të dobishme për armiqtë, transmeton portali arbresh.info

Kohëve të fundit publikimet e ushtarëve rusë kanë zbuluar vendndodhjen e tyre në Ukrainë dhe Siri.

Në korrik të vitit 2014 një korrespondente e BBC-së ripublikoi në “Twitter” një foto të publikuar nga një ushtar rus, i cili me krenari raportonte dërgimin e raketave “Grad” drejt rebelëve prorusë në Ukrainë.

Ministra ka bërë të ditur se trupat kryesore shtetërore të sigurisë “FSB” dhe “FSO” e kanë të ndaluar tashmë të publikojnë fotografi në mediat sociale.

Ligji pritet të miratohet në janar të vitit 2018./arbresh.info/