Shpëtohen pas nëntë orësh të mbijetuarit e tragjedisë në Kanionin e Madh

23:24 | 11 Shkurt 2018
Trina Galanxhi

Katër të mbijetuar nga rrëzimi i një helikopteri në Kanionin e Madh janë dërguar në një spital të Nevadës, përderisa ekipet po mbulonin trupat e tre të vdekurve.

Një helikopter Eurocopter EC130 u rrëzua në “rrethana të panjohura” rreth orës 17:20 të së shtunës, rreth 60 kilometra në veriperëndim të Arizonës, transmeton portali arbresh.info

Në helikopter ndodheshin shtatë persona në bord, gjashtë pasagjerë dhe piloti.

Shefi i policisë së Hualapai Nation Francis Bradley tha se të mbijetuarit u dërguan në një spital në Las Vegas, nëntë orë pas aksidentit.

Autoritetet thanë se katër nga pacientët kishin përjetuar traumë të nivelit të parë, që do të thotë se ata kishin marrë lëndime kritike dhe kërcënuese për jetën.

Identiteti dhe kombësia e të vdekurve dhe të plagosurve nuk është bërë e ditur./arbresh.info/