Shpërthim në një spital në Turqi, vdesin nëntë pacientë me koronavirus

14:12 | 19 Dhjetor 2020
Arbresh.info

Nëntë persona kanë humbur jetën pasi një respirator oksigjeni shpërtheu në spitalin ku po trajtoheshin pacientët me koronavirus në jug të Turqisë.

Shpërthimi shkaktoi zjarr në njësitin e kujdesit intensiv në spitalin privat Universiteti Sanko në Gaziantep, thotë Zyra e Guvernatorit, transmeton portali arbresh.info

Të paktën një nga pacientët vdiq ndërsa po transferohej në një spital tjetër.

Turqia ka regjistruar gati dy milionë raste koronavirusesh dhe 17,610 vdekje, sipas Universitetit Johns Hopkins.

Asnjë lëndim nuk u raportua në lidhje me zjarrin, i cili ndodhi në orët e para të mëngjesit të së shtunës dhe u shua shpejt.

Viktimat ishin të moshës midis 56 dhe 85 vjeçare, tha spitali në një deklaratë.

Një hetim është duke u zhvilluar për të përcaktuar shkakun e shpërthimit./arbresh.info/