Kreu i shërbimeve të urgjencës mjekësore në Iran, Pirhossein Kolivand, ka kontraktuar koronavirusin, njoftoi të martën agjencia e lajmeve ILNA.

“Shëndeti i Z. Kolivand është i mirë dhe nuk ka nevojë për shqetësim”, tha zyra e tij në një deklaratë, transmeton portali arbresh.info.

Të martën, ministria e shëndetësisë e Iranit tha se 77 iranianë kishin vdekur nga sëmundja deri më tani dhe 2336 kishin testuar pozitivë për virusin.

Udhëheqësi suprem i Iranit, Ayatollah Ali Khamenei, gjithashtu njoftoi përmes mediave shtetërore se ushtria e vendit ishte e gatshme të ndihmonte zyrtarët shëndetësorë në trajtimin e shpërthimit të koronavirusit.

“Çdo gjë që ndihmon shëndetin publik dhe parandalon përhapjen e sëmundjes është e mirë dhe ajo që ndihmon në përhapjen e tij është mëkati,” tha Ayatollah Khamenei.

Autoritetet iraniane thonë se ata mund të mobilizojnë 300,000 ushtarë dhe vullnetarë për të luftuar virusin.

Mendohet se ata mund të ndihmojnë në pastrimin e rrugëve, drejtimin e trafikut dhe ndoshta gjurmimin e njerëzve që kanë rënë në kontakt me pacientët me koronavirus./arbresh.info/