Partia Demokratike në SHBA ka paditur Rusinë, fushatën e Trump dhe Ëikileaks  për komplot gjatë fushatës presidenciale në SHBA gjatë vitit 2016.

Dokumentet e paraqitura në gjykatë pohojnë se fushata “me gëzim e ka pranuar ndihmën e Rusisë” për të fituar zgjedhjet, transmeton portali arbresh.info

Presidenti Donald Trump ka mohuar në mënyrë të përsëritur bashkëpunimin, në anën tjetër edhe Rusia i ka mohuar akuzat.

Rreth akuzave tanimë disa hetime janë në proces.

Agjencitë e inteligjencës amerikane më parë kishin përfunduar se Moska ishte përpjekur të ndikonte në zgjedhjet në favor të Donald Trump.

Padia, e ngritur në një gjykatë federale në Manhatan, përmend ndihmësit e lartë Trump duke përfshirë dhëndrin e tij Jared Kushner, strategin Roger Stone dhe ish-kryetarin e fushatës Paul Manafort si të pandehur, si dhe themeluesin e Ëikileaks, Julian Assange.

Ëashington Post raporton se vendet e huaja zakonisht kanë imunitet nga paditë e SHBA, por demokratët argumentojnë se rregulli nuk duhet të zbatohet në këtë rast, sepse Rusia e ka hyrë në serverat e parties.

Kryetari i Komitetit Demokratik Kombëtar Tom Perez tha se ndërhyrja në zgjedhjet e fundit presidenciale në SHBA është “akt i pashembullt i tradhëtisë” dhe “një sulm total ndaj demokracisë sonë”./arbresh.info/