Pentagoni ka marrë vendim të dërgojë mbi 5 mijë trupa në kufi me Meksikën, ndërsa mijëra emigrantë të Amerikës Qëndrore po e vazhdojnë rrugën përmes Meksikës.

Gjenerali Terrence O’Shaughnessy tha se Operacioni “Faithful Patriot” do të fokusohet në Teksas, Arizona dhe Kaliforni, transmeton portali arbresh.info

Presidenti amerikan Donald Trump ka deklaruar se “pushtimi” i emigrantëve do të gjej ushtrinë në pritje të tyre.

Janë tashmë 2,100 anëtarë të Gardës Kombëtare në kufi, të dërguar pas një kërkese të mëparshme nga Trump gjatë muajit prill.

Të dy anët e ndarjes politike amerikane janë akuzuar për përdorimin e emigrantëve për përfitime zgjedhore vetëm një javë para se amerikanët të shkojnë në votime.

Në zgjedhjet afatmesme më 6 nëntor, Partia Republikane e Presidentit Trump do të kërkojë të mbajë të dyja dhomat e Kongresit nga duart demokratike.

Emigrantët janë rreth 1,600 km larg kufirit amerikan.

Gjeneral O’Shaughnessy tha se trupat do të vendoseshin deri në fund të javës me armë, helikopterë, aeroplanë, barriera dhe milje telash me rrota për të mbështetur agjentët e patrullimit kufitar./arbresh.info/