Së paku 60 të vdekur dhe qindra të zhdukur pas përmbytjes së anijes

08:02 | 16 Shkurt 2021

Së paku 60 persona kanë vdekur dhe qindra të tjerë janë zhdukur pasi një anije e mbingarkuar u përmbyt në lumin Kongo gjatë natës, tha Ministri i çështjeve humanitare të Republikës Demokratike të Kongos.

Ministri Steve Mbikay tha se më shumë se 700 njerëz ishin në bordin e anijes por vetëm 300 të mbijetuar janë gjetur deri më tani në vendin e fatkeqësisë në provincën Mai-Ndombe në perëndim të shtetit, shkruan TheGuardian.

Anija po lundronte gjatë natës nga Kinshasa për në Mbandaka kur hasi në probleme afër fshatit Longola Ekoti të kësaj province.

Ministri i tha al-Jazeer se shkaku kryesor i përmbytjes ishte numri i madh i pasagjerëve dhe ngarkesa në anije, duke shtuar se “lundrimi natën gjithashtu luajti një rol”.

Mbikayi shprehu ngushëllime për familjet e prekura dhe kërkoi për sanksione kundër ata që janë të përfshirë në këtë nga sektori i transportit, transmeton arbresh.info.

Aksidentet vdekjeprurëse me anije në Kongo janë të zakonshme, Kongo ka pak rrugë të rregulluara nëpër gjithë vendin e pyllëzuar dhe anijet janë shpesh të mbushura përtej kapacitetit të tyre.

Për shumicën e njerëzve lumi Kongo dhe degët e tij janë e vetmja mënyrë e transportit në distanca të gjata./arbresh.info/

Shpërndaje në rrjete sociale

Lajmet më të lexuara