Qeveria ruse ka thënë që mbështet Marrëveshjen e Parisit për ndryshimet klimatike, kjo pasi që Donald Trump pritet të njoftojë tërheqjen e SHBA-ve nga dakordi historik, raporton Reuters.

Kremlini gjithashtu tha se marrëveshja, e cila kërkon të kufizojë ngrohjen globale në afërsisht 1.5 gradë Celsius të jetë e mundur, do të ishte më pak efektive pa pjesëmarrjen e vendeve të mëdha, transmeton portali arbresh.info.

Disa media lajmesh në SHBA kanë raportuar se Trump ka në plan të heqë Marrëveshjen e Parisit, të cilën Barak Obama e sugjeroi që një ditë mund të shikohet si momenti “më në fund vendosëm ta shpëtonim planetin”.

Duke folur disa orë përpara njoftimit zyrtar të Presidentit të SHBA, zëdhënësi i Kremlinit Dmitri Peskov tha në një konferencë telefonike me gazetarët: “Presidenti (Vladimir) Putin nënshkroi këtë konventë në Paris. Rusia i jep rëndësi të madhe asaj.

“Në të njëjtën kohë, është e qartë se efektiviteti i kësaj konvente ka gjasa të reduktohet pa pjesëmarrësit kryesorë të saj”./Arbresh.info