Sot, një raketë ruse goditi anijen e ngarkesave, KMAX RULER, të Qipros.

Sipas burimeve nga mediat e huaja, anija në fjalë ishte në pronësi të pronarit të anijeve qipriote, Andreas Hatzigiannis, president i Unionit të Pronarëve të Qipros.

Sulmi ndodhi kur anija hyri në portin e Odessa-s dhe si pasojë u vra kapiteni dhe u plagosën tre anëtarë të ekuipazhit dhe një punonjës në port, siç njoftoi një përfaqësues i forcave të armatosura të Ukrainës.

Sipas informacioneve nga autoritetet ukrainase, anija është goditur nga një raketë Kh-31P e lëshuar nga një avion luftarak rus.

Kombësia e kapitenit të anijes nuk u bë e ditur, ndërsa tre anëtarët e ekuipazhit të plagosur janë filipinas. Anija e ngarkesave do të ngarkonte mineral hekuri me destinacion Kinën, sipas ministrit ukrainas të Infrastrukturës Oleksandr Kubrakov, i cili tha se që kur Rusia u tërhoq nga marrëveshja për eksportet e grurit përmes Detit të Zi, ka kryer 21 sulme ndaj anijeve të mallrave.

Zyrtarë të Ministrisë së Transportit dhe Politikës së Ishullit deklaruan se nuk ka asnjë informacion nga Dhoma e Tregtisë për këtë ngjarje.

Anija është ndërtuar në vitin 2009, është 230 metra e gjatë dhe 37 metra e gjerë, ka një kapacitet 91,800 dët dhe mban numrin e IMO-së 9436642./euronews