Të paktën 19 persona kanë vdekur dhe 164 të tjerë janë plagosur pasi një avion stërvitor i forcave ajrore të Bangladeshit u rrëzua mbi një kampua shkolle në kryeqytetin Daka.

Pamjet nga vendi i ngjarjes në shkollën dhe kolegjin Milestone në periferinë veriore të Uttara tregojnë një zjarr të madh, pas përplasjes së avionit në ndërtesën e shkollës dykatëshe.

Forcat e armatosura thanë në një deklaratë në Facebook se avioni F-7 pësoi një defekt mekanik pasi u ngrit për një stërvitje menjëherë pas orës 13:00 sipas orës lokale. Piloti është midis të vdekurve, shtoi forca ajrore.

Më shumë se 50 persona, përfshirë fëmijë dhe të rritur, u dërguan në spital me djegie, u tha gazetarëve një mjek në Institutin Kombëtar të Djegieve dhe Kirurgjisë Plastike. Diapazoni i moshës për nxënësit që ndjekin shkollën është midis katër dhe 18 vjeç.