Rrëfimi tmerrues i adoleshentes nga Jemeni: Zvarritemi që të shpëtojmë nga snajperët

17:01 | 24 Dhjetor 2016
Trina Galanxhi

Amal, vetëm 13 vjeç, është nxënëse që jeton me makthin e pafundmë të vdekjes, frikës, shkatërrimit, tmerrit dhe pasigurisë.

Në katër muajt e fundit, vajza i ka shpëtuar një sulmi me raketa në shkollën e saj, ku mbetën të vrarë një mësues dhe shokët e klasës, transmeton arbresh.info.

3b849e0000000578-4048538-image-m-45_1482163231588

Ajo rrëfen se ka qenë shënjestër e snajperëve, ndërsa ka parë xhaxhain e saj dhe kushëririn e saj të shqyhen nga një predhë në qytetin e rrethuar në jug-perëndim të vendit, Taiz.

3b849d9400000578-4048538-image-m-50_1482163437392

Amal i ka mbijetuar edhe një sulmi në një treg, dhe tani ajo vazhdon të jetojë më familjen e saj në një dhomë të lagësht, 200 milje larg kryeqytetit të Jemenit.

Ajo kujdeset për nënën e saj të sëmurë, përderisa bombat dhe sulmet ajrore dëgjohen rregullisht në zonën ku jeton ajo.

3b84a00200000578-4048538-image-m-73_1482165751079

Amal ka marrë rolin e kujdestarës për familjen e saj, babait Ahmed, nënës Fatima, vëllait Mushir dhe motrës Qamar. Familja e saj vazhdon të jetojë në kushte të mjerueshme.

Gjatë natës asaj i duhet të kujdeset për motrën, e cila që nga vdekja e xhaxhait të saj dhe që nga pamjet e tmerrshme të luftës, ajo përjeton ankth.

Vajza ka përshkruar edhe momentin e sulmit në shkollën e saj, duke thënë se ishte e tmerrshme.

3b849e5a00000578-4048538-image-m-47_1482163265074

“Ishte e tmerrshme, kisha para vetes trupin e mësueses së vrarë dhe shoqeve të mija. Vetë zvarritesha që të shpëtoja nga snajperët”, ka thënë ajo.

Një nga vendet më të varfëra të botës, Jemeni është duke u përballur me një luftë civile mes forcave besnike të qeverisë së presidentit Abdrabbuh Mansour Hadi dhe atyre aleate për lëvizjen rebele Houthi.

3b85bf7800000578-4048538-image-a-69_1482165660590

Gati 7 mijë njerëz janë vrarë dhe më shumë se 35 mijë janë plagosur që nga muaji mars i vitit 2015. Miliona njerëz janë zhvendosur, duke përshirë më shumë se tre milionë fëmijë dhe gra shtatzanë që janë të keq ushqyer. Rreth 500 mijë fëmijë përballen me urinë./Arbresh.info

Shpërndaje në rrjete sociale