Qeveria e Kosovës ndanë 150 mijë euro për strehimin e gazetarëve ukrainas

A demonstrator cries listening a national anthem as other rally with Ukrainian national flags in the center of Kharkiv, Ukraine's second-largest city, Saturday, Feb. 5, 2022, just 40 kilometers (25 miles) from some of the tens of thousands of Russian troops massed at the border of Ukraine. After weeks of talks in various diplomatic formats have led to no major concessions by Russia and the U.S., it's unclear how much impact the trips will have. But Ukraine's Foreign Minister Dmytro Kuleba said Friday that "top-level visits seriously reduce challenges in the sphere of security and upset the Kremlin's plans." (AP Photo/Evgeniy Maloletka)

19:08 | 1 Mars 2022
Gita

Qeveria e Kosovës ka aprovuar kërkesën e Ministrisë së Punëve të Jashtme të Kosovës për ndarje e një buxheti në vlerë prej 150 mijë eurosh, për procedurat e pranimit në Kosovë të 20 gazetarëve nga Ukraina.

Kështu është bërë e ditur në njoftimi e Ministrisë së Punëve të Jashtme të Kosovës, shkruan arbresh.info.

“Qeveria e Republikës së Kosovës ka aprovuar ndarjen e mjeteve buxhetore në vlerë prej njëqind e pesëdhjetë mijë euro, për procedurat e pranimit në Kosovë të 20 gazetarëve nga Ukraina,” thuhet në njoftim.

Ky vendim vjen pas gjendjes së krijuar në shtetin Ukrainas, ku Federata Ruse ka vazhduar pushtimin e Ukrainës

“Vendimi për strehimin e 20 gazetarëve ukrainas, është një bashkëpunim në mes të Qeverisë së Kosovës, Federatën Evropiane të Gazetarëve (European Federation of Journalists) dhe Qendrën Evropiane për Liri të Shtypit dhe Medias (European Centre for Press and Media Freedom)”, thuhet tutje në njoftim.

Mjetet buxhetore të aprovuara nga kabineti qeveritar, sipas MPJ-së, përfshijnë mbulimin e shpenzimeve të qirasë, zyrës, sigurimit shëndetësor, pagesë mujore, dhe shpenzimet e transportit për gazetarët e pranuar. Mjetet do të alokohen për periudhë gjashtë mujore me mundësi vazhdimi varësisht nga zhvillimet në Ukrainë.

Ndërsa procedura e identifikimit dhe përzgjedhjes së gazetarëve do të bëhet nga Federata Evropiane e Gazetarëve dhe Qendra Evropiane për Liri të Shtypit dhe Medias në bashkëpunim me Qeverinë e Kosovës.

Shteti i Kosovës është rreshtuar në ndihmë të shtetit të Ukrainës, dhe i është bashkëngjitur paraprakisht të gjitha vendimeve sanksionuese që Bashkimi Evropian dhe Shtetet e Bashkuara të Amerikës i kanë vendosur shtetit të Rusisë./arbresh.info/