Ky është momenti i zhvendosjes me forcë të dy protestuesve që kishin lidhur veten me zingjirë në hyrjen e një gjykate në Barcelonë.

Burrat ishin pjesë e një proteste të quajtur “Komiteti në mbrojtje të Republikës” dhe kishte për qëllim bllokimin e Gjykatës së Lartë të Drejtësisë së Katalonjës, transmeton portali arbresh.info

Policia është   fotografuar duke mbajtur burrat larg me forcë dhe duke u përplasur me protestuesit tjerë në vendin e ngjarjes.

Protesta po zhvillohej kundër burgosjes së politikanëve katalanas dhe aktivistëve të cilët po përballen me një hetim për shkak të shpalljes së pavarësisë gjatë vitit të kaluar.

Përkhrahësit e tyre pohojnë se ata janë burgosur politikisht, akuzë të cilën qeveria kombëtare në Madrid e ka mohuar fuqishëm.

Ish-zëvendëspresidenti rajonal Oriol Junqueras, dhe aktivistët Jordi Sanchez dhe Jordi Cuixart përballen me akuza të mundshme të kryengritjes.

Më shumë 20 persona, përfshirë politikanë, deputetët e zgjedhur dhe shefi rajonal i policisë janë nën hetim për rebelim, sulme apo keqpërdorim të fondeve publike./arbresh.info/