Presidenti ukrainas, Volodymyr Zelensky ka akuzuar Rusinë për organizimin e krizës së gazit në Europë dhe i ka bërë thirrje Bashkimit Europian që të koordinojë reagimin e saj me Ukrainën.

Europa, gazi i së cilës vjen nga Rusia, po përballet me rritje të çmimeve të gazit, në krahasim me kërkesën në rritje për shkak të rimëkëmbjes ekonomike për shkak të përmirësimit të situatës epidemiologjike, transmeton portal arbresh.info

“Ka një aggression të vërtetë gazi kundër Bashkimit Europian”, theksoi ai në një takim me 27 krerët e shteteve në Bruksel.

“Shpresoj që vendet e BE-së të kuptojnë nevojën për përpjekje të përbashkëta dhe të kuptojnë se respektimi i vlerave europiane është mënyra e vetme për të ruajtur pavarësinë energjetike europiane. Ukraina ka diçka për të ofruar”, shtoi ai.

Duke refuzuar rritjen e furnizimeve, Rusia favorizon mungesat dhe rritjen e çmimeve të gazit për të arritur vënien në punë të një tubacioni të ri nëndetës që lidh Gjermaninë me Rusinë, Nord Stream, pretendon Zelensky.

Ukraina, e cila përfiton financiarisht nga taksat për gazin rus që kalon përmes territorit të saj në Europë, po lufton Nord Stream, nisja e të cilit varet nga rregullatori gjerman.

“Rusia dëshiron të detyrojë Europën të drejtojë Nord Stream 2, pa respektuar rregullat europiane”, tha Zelensky për projektin e infrastrukturës, i cili ka një kapacitet vjetor eksporti prej 55 miliardë m3.

Zelensky propozon një rritje të menjëhershme të furnizimit me gaz përmes rrjetit ukrainas dhe mund të garantojë një tranzit total prej 19 miliardë m3 deri në fund të vitit.

“Propozimi i Ukrainës është plotësisht transparent dhe shumë efektiv. Nëse Rusia furnizon gaz, Ukraina do të garantojë tranzitin e saj në Europë”, tha Zelensky.

Gazprom tani furnizon rrjetin ukrainas me 85 milionë m3 gaz në ditë, ndërsa dy vite më parë vëllimi ditor ishte 300 milionë m3.

Rusia mohon çdo shantazh ndaj BE-së./FrancePress/arbresh.info/