Rreziku për t’u sulmuar nga një ari polar është bërë realitet për një grup policësh dhe ushtarësh kanadezë, të cilët ishin vënë në kërkim të dy personave të dyshuar për vrasje të një qytetari australian dhe të dashurës së tij amerikane.

Kërkimi për dy personat e dyshuar, Kam McLeod dhe Bryer Schmegelsky, vazhdoi të shtunën edhe me ndihmën e helikopterëve të Forcave Ajrore Mbretërore të Kanadasë në zonën e egër natyrore afër Gillamit.

Gjatë operacionit të kërkimit për vrasësit e dyshuar, Policia Mbretërore e Kanadasë gjeti diçka tjetër. Ata e publikuan një fotografi të një ariu polar, i cili u pa rreth 200 kilometra në veri të Gillamit.

A polar bear was spotted during the search for the suspects earlier today – about 200km north of Gillam. Just some of the wildlife that can be found in northern Manitoba. pic.twitter.com/Z1hbbtOCxw

— RCMP Manitoba (@rcmpmb) July 27, 2019

Banorët e këtij rajoni kanë thënë se të dyshuarit do të përballen me shumë rreziqe, nëse kanë vendosur të fshehën në këtë pjesë. Ata do të përballen me arinjtë polarë dhe arinjtë e murrmë, ujqërit, mushkonjat e zeza, shkurre të dendura dhe moçalishte.

McLeod dhe Schmegelsky janë arratisur pasi dyshohen për vrasjen e dy personave, që u gjetën skaj një autostrade në skajin perëndimor të Kanadasë, shkruan “The Guardian”, transmeton Gazeta Express.