Presidenti turk Recep Tayyip Erdogan, ka paralajmëruar se Holanda do të “paguajë çmimin” për dëmtimin e raporteve që qoi ndalimi i dy ministrave turq.

“Ne do tu mësojmë atyre diplomacinë ndërkombëtare”, tha Erdogan.

Të dy ministrat u  ndaluan për të iu adresuar emigrantëve turq në Roterdam të shtunën,  ku njëri prej tyre u shoqërua deri në kufirin gjerman, shkruan BBC.

Qeveria holandeze tha se tubimet e tilla do të ushqenin rritjen e  tensioneve, disa ditë para zgjedhjeve të përgjithshme të Holandës.

Ministrat janë duke kërkuar mbështetjen e votuesve mërgimtarë,  për një referendum i cili pritet të mbahet në Turqi për zgjerimin e kompetencave presidenciale.

Ministri turk Fatma Betul Sayan Kaya, kishte mbërritur  në Holandë të shtunën, por është i refuzuar hyrja në konsullatën në Roterdam dhe u dërgua në kufirin gjerman nga policia holandeze.