Opozitarët ushtarakë në rajonin e de-eskalimit Idlib të Sirisë kanë vendosur në objektivin e tyre me raketa pikat ushtarake të grupeve terroriste me mbështetje iraniane të cilët mbrëmë kanë sulmuar kampin e çadrave në Idlib, raporton Anadolu Agency (AA).

Grupet ushtarake në zonën e deeskalimit Idlib dhanë kundërpërgjigje kundër sulmit të ndërmarrë mbrëmë ndaj kampit të çadrave në fshatin Kah, ku si pasojë humbën jetën 12 civilë.

Opozitarët vendosën në objektivin e tyre me raketa pikat ushtarake të regjimit të Asadit dhe grupeve terroriste me mbështetje iraniane që ndodhen në pjesën jugore të qytetit Halep. Në kuadër të kundërpërgjigjes së ndërmarrë u goditën pika ku ishin të vendosur grupet me mbështetje iraniane në rajonin e malit Azzan dhe njësitë e regjimit të Asadit në fabrikën e industrisë së mbrojtjes.

Në sulmin e ndërmarrë dje nga grupet terroriste me mbështetje iraniane në zonën e kampeve Kah në afërsi të kufirit Turqi-Siri, humbën jetën 12 civilë dhe u plagosën të paktën 40 të tjerë.