Organizata Botërore e Shëndetësisë (OBSH) ka paralajmëruar se varianti i koronavirusit Omicron paraqet një rrezik të lartë të rritjes së infeksionit në të gjithë globin.

Varianti i ri i koronavirusit mund të dërgoja në pasoja të rënda në disa vende të botës, tha OBSH, transmeton portal arbresh.info

Kreu i organizatës, Dr Tedros Adhanom Ghebreyesus, ka bërë thirrje edhe njëherë që vendet e pasura t’u dalin në ndihmë vendeve të varfëra me vaksinat kundër koronavirusit.

Varianti u zbulua në Afrikën e Jugut në fillim të këtij muaji me provat fillestare që sugjerojnë se ka një rrezik më të lartë të ri-infektimit. Afrika e Jugut është vlerësuar për raportimin e saj të shpejtë të variantit.

“Omicron ka një numër të paparë mutacionesh, disa prej të cilave janë shqetësuese për ndikimin e tyre të mundshëm në trajektoren e pandemisë”, tha OBSH.

Rastet me variantin e ri të koronavirusit janë raportuar në disa vende të botës, përfshirë Kanadanë, Britaninë e Madhe, Portugalinë, Belgjikën dhe Holandën.

Ndërkaq, Britania e Madhe, BE-ja dhe SHBAkanë lëshuar ndalesë udhëtimi në vendet e Afrikës Jugore për shkak të variantit të ri koronaviorusit.

Japonia ka njoftuar se po mbyll kufijtë e saj për vizitorët e rinj të huaj nga mesnata e së martës, ndërsa Australia ka ndalur planin e saj të shumëpritur për të lehtësuar kufizimet kufitare.

Izraeli gjithashtu ka ndaluar hyrjen e shtetasve të huaj në vend.

Që nga fillimi i pandemisë në vitin 2020, janë regjistgruar më shumë se 261 milion raste me koronavirus dhe pesë million vdekje në mbarë botën./BBC/ arbresh.info/