Raportimet për vrasje masive të civilëve në rajonin verior të Etiopisë, Tirgray mund të jenë krime lufte, nëse konfirmohen, paralajmëron shefi i të drejtave të njeriut të OKB-së.

Michelle Bachelet bëri thirrje për hetime në raportimet që qindra njerëz mund të jenë therur e prerë për vdekje në një qytezë, transmeton portali arbresh.info

Kryeministri Abiy Ahmed ka akuzuar forcat besnike të liderëve të Tigray për masakrën.

Zyrtarët e saj kanë mohuar akuzat.

Udhëheqësi i Tigray, Debretsion Gebremichael i tha agjencisë së lajmeve AFP se akuzat ishin “të pabaza”.

Abiy tha se luftëtarët që mbështesnin partinë qeverisëse të Tigray, Fronti i Çlirimit të Popullit Tigray (TPLF), shkuan në tërbim pasi trupat federale kishin “çliruar” pjesën perëndimore të Tigray, se “brutalisht” ka vrarë civilë të pafajshëm në Mai-Kadra, një qytet në Zonën Jug-Perëndimore të Tigray.

Dëshmitarët fajësuan forcat besnike të TPLF për vrasjet e së hënës – raportuar së pari nga grupi i të drejtave të njeriut Amnesty International.

Nëse konfirmohet, kjo do të ishte vrasja e parë në shkallë të gjerë e civilëve në luftimet midis forcave qeveritare dhe TPLF që shpërthyen në 4 nëntor.

Marrja e informacionit rreth përplasjeve është e vështirë sepse linjat telefonike dhe shërbimet e internetit janë të prishura./arbresh.info/