Çrregullime në ofrimin e shërbimeve bazë shëndetësore, si vaksinimi apo programet e trajtimit për sëmundje të tilla si SIDA, u raportuan në 92 për qind të 129 vendeve, sipas një studimi të Organizatës Botërore të Shëndetësisë (OBSH).

Hulumtimi i kryer në muajt nëntor dhe dhjetor të vitit 2021, tregon se shërbimet janë “të prekura rëndë” dhe se nuk kanë treguar përparim, transmeton portal arbresh.info

“Rezultatet e këtij sondazhi nënvizojnë rëndësinë e veprimit urgjent për të adresuar sfidat kryesore të sistemit shëndetësor, për të rikuperuar shërbimet dhe për të zbutur ndikimin e pandemisë”, thuhet në deklaratën e Covid-19.

Shërbimi i ambulancës është përkeqësuar në krahasim me anketën e mëparshme të kryer në fillim të vitit 2021.

Çrregullime në ofrimin e kujdesit emergjent u raportuan nga 36 përqind e vendeve, një rritje nga 29 përqind në fillim të vitit 2021 dhe 21 përqind në sondazhin e parë në 2020.

Sondazhi u krye në një kohë të një rritje të madhe të numrit të personave të infektuar në shumë vende për shkak të variantit Omicron, i cili për shkak të përhapjes së shpejtë, ka rënduar edhe spitalet./arbresh.info/