Numri i të vdekurve nga tërmeti në Mianmar shkon në 1 mijë e 600

15:52 | 29 Mars 2025
E.K

Numri i të vdekurve në Myanmar ka arritur në 1,644, sipas udhëheqësisë ushtarake të vendit, ndërsa numri i të plagosurve ka shkuar në 3,408, me 139 persona të zhdukur.

Tërmeti ndodhi rreth orës 12:50 në një thellësi prej 6 miljesh. Epiqendra ishte rreth 10 milje larg qytetit të dytë më të madh, Mandalay. Pas tërmetit ka pasur edhe pasgoditje, njëra prej të cilave ka pasur magnitudë të fortë prej 6.4 dhe ka ndodhur 12 minuta më vonë.

Presidenti i Kinës, Xi Jinping, ka dërguar një mesazh ngushëllimi për liderin e Myanmarit, Min Aung Hlaing, pas tërmetit. Një ekip shpëtimi kinez mbërriti në Yangon, ish-kapitalën e Myanmarit, herët të shtunën, ndërsa Rusia dhe SHBA kanë ofruar gjithashtu ndihmë humanitare dhe shpëtim./ abcnews.al