József Tichy-Grács nuk është si kandidatët e tjerë në zgjedhjet e përgjithshme të Hungarisë që do të mbahen në prill, ai po kandidon i maskuar si pulë.

“Unë mendoj se njerëzit në Hungari kanë humbur besimin te politikanët njerëzorë, prandaj është e arsyeshme të supozojmë se ata do të besojnë një pulë apo një qen”, tha ai për Euronews.

Partia e e tij quhet “Patia e qenit me dy bishta” e themeluar në vitin 2006.

“Ne jemi partia më serioze në historinë e politikës hungareze”, tha ai.

Tichy-Grács tha se grumbullimi i 500 nënshkrimeve të nevojshme për të kandiduar si kandidat në qarkun e Gyor-Moson-Sopron nuk ishte e vështirë për të.

“Njerëzit më përkrahën me gjithë zemër,” tha ai. “Unë thjesht duhej të shkoja dhe të thoja premtimet e mia tek njerëzit dhe ata ishin të etur të regjistroheshin.

Aktualisht ai jeton në Austri, ndërsa tha se do të kthehej në Hungari nëse ai do të zgjidhej.