Policia në Hamburg ka reaguar ndaj raportimeve për një sulm me thikë në stacionin kryesor të trenit të qytetit.

Policia e Hamburgut konfirmoi në një postim në platformën X se “disa persona” janë plagosur dhe se i dyshuari është arrestuar.

Megjithatë, ata nuk dhanë detaje mbi numrin apo për shkallën e lëndimeve që kanë marrë viktimat.

Skynews raportoi se 12 persona janë plagosur rëndë ndërsa deutche welle njofton se personi i ndaluar për këtë rast është një grua.

Policia tha se një “operacion i madh” është duke u zhvilluar në stacionin e trenit.

Disa nga të plagosurit po merrnin trajtim mjekësor në bord të trenave në stacion, raportoi Bild, transmeton telegrafi.

Operatori hekurudhor gjerman, Deutsche Bahn, tha se shërbimet e trenave janë ndërprerë për shkak të operacionit policor, duke paralajmëruar për “vonesa dhe anulime të pjesshme”.