Një gjykatë ruse ka nxjerrë jashtë ligjit organizatën politike mbarëkombëtare të politikanit të opozitës Alexei Navalny me arsyetimin se është “ekstremiste”, në një hap të rëndësishëm për goditjen e Vladimir Putinit ndaj disidencës politike.

Vendimi i gjykatës, i cili ishte parashikuar, në të vërtetë likuidon lëvizjen opozitare jo të dhunshme të Navalny dhe ndalon kandidimin e aleateve te tij, për vite me radhë, ndërsa Kremlini kërkon të fshijë udhëheqësin e burgosur të opozitës nga jeta politike ruse.

Ndihmësit ligjorë që përfaqësojnë lëvizjen Navalny kishin thënë se ata besonin se gjykata po përpiqej të shpejtonte një seancë dëgjimore dhe të jepte një vendim të mërkurën, por do të ngadalësohej nga “ankesat e tyre të shumta”.

Vendimi erdhi pak para orës 11:00 me kohën lokale. “Fondacioni Kundër Korrupsionit është njohur nga një vendim gjykate si një organizatë ekstremiste,” grupi raportoi fillimisht vendimin në Twitter.

“Kur korrupsioni është themeli i qeverisë, luftëtarët kundër korrupsionit cilesohen si ekstremistë,” tha deklarata. “Ne nuk do të braktisim qëllimet dhe idetë tona. Ky  eshte vendi ynë dhe nuk kemi një tjetër ”. /arbresh.info/