Një anije me refugjatë fundoset në brigjet e Libanit

14:21 | 23 Shtator 2018
Arbresh.info

Një fëmijë ka humbur jetën dhe katër persona të tjerë janë plagosur, pasi një anije që po barte mbi 30 persona – shumica prej tyre sirianë – është fundosur në brigjet e Libanit, ka njoftuar ushtria libaneze përmes një komunikate.

Ushtria ka thënë se në bordin e anijes ishin 39 persona, në mesin e tyre refugjatë sirinë e palestinezë, por edhe shtetas të Libanit.

Refugjatët po tentonin që në mënyrë të paligjshme të arrinin në Qipro, thuhet në komunikatë.

Sipas hetimeve të para, ushtria në portin Abdeh kishte marrë një sinjal për ndihmë në orët e para të së shtunës, nga anija që po fundosej.

Shumica e personave që po udhëtonin me këtë anije u shpëtuan. Kryqi i Kuq në Liban i ka thënë agjencisë Dpa se shumica e të shpëtuarve janë dërguar në spital për trajtim. Disa nga ta kanë pasur probleme me frymëmarrje