Organizatorët e debatit presidencial amerikan kanë vendosur që formati i përplasjes së ardhshme televizive mes Donald Trump dhe Joe Biden të jetë virtual dhe jo në person.

Trump e ka refuzuar propozimin, duke e quajtur idenë e debatit virtual si qesharak, transmeton portali arbresh.info.

Sidoqoftë, formati ishte i pranueshëm për dy ish-presidentët, Richard Nixon dhe John F Kennedy, kur po garonin për Shtëpinë e Bardhë në 1960. Atje, natyrisht nuk kishte asnjë koronavirus.

Por në debatin e tyre të tretë të fushatës, Nixon dhe Kennedy shkuan ballë për ballë, megjithëse përmes një video- lidhjeje nga qytete të ndryshme në brigjet perëndimore dhe lindore të SHBA-ve.

“Të dy kandidatët nuk do të ndajnë të njëjtën platformë,” tha moderatori Bill Shadel kur hapi debatin. “Në Nju Jork, senatori i nominuar për president John F Kennedy. I ndarë nga 3,000 milje, në një studio në Los Anxhelos, Zëvendës-Presidenti i nominuar për president Richard M Nixon”./arbresh.info/