Shefi i sigurisë në kufirin amerikan thotë se përkohësisht është ndaluar ndjekja kriminale e emigrantëve që hynë ilegalisht në vend me fëmijë.

Komisioneri për Dogana dhe Mbrojtje të Kufirit (CBP) Kevin McAleenan u tha gazetarëve në Teksas që ndjekja penale është pezulluar javën e shkuar, transmeton portali arbresh.info.

Ai tha se pasoi një urdhër javën e kaluar nga presidenti Donald Trump duke bërë thirrje për t’i dhënë fund ndarjeve familjare të emigrantëve.

Por zoti Trump kishte sugjeruar se familjet do të ndaloheshin së bashku.

Presidenti republikan u zbut nga presioni publik, duke nënshkruar urdhrin e tij ekzekutiv për të “mbajtur së bashku familjet” në ndalimet e emigrantëve.

McAleenan pohoi se taktikat e “tolerancës zero” të administratës së Trump ishin akoma në fuqi, edhe pse udhëzimi i komisionerit për agjentët e tij në masë të madhe e lë politikën në harresë./Arbresh.info/