Motra e Kim Jong-un, e cila përfaqësoi Korenë Veriore në Lojrat Olimpike Dimërore është kthyer në shtëpi.

Kim Yo Jong dhe zyrtarë të tjerë të Koresë së Veriut qëndruan në mes të zyrtarëve më të lartë botërorë gjatë hapjes së Olimpiadës, transmeton portali arbresh.info

Ata e mbyllën ditën e tyre të fundit në Korenë Jugore me pjesëmarrjen e një koncerti në Seul.

Befasia më e madhe e këtyre Lojrave Olimpike që po mbanen në Korenë Jugore, ka qenë ftesa drejtuar presidentin koreano jugor për një vizitë drejt veriut.

Megjithatë, analistët politikë theksojnë se gjërat nuk do të përmisohen edhe pse marrëdhënia mes dy koreve “ngjante më e ngrohtë”.

Koreja e Jugut pranoi kërkesën e Koresë së Veriut për të transportuar më shumë se 100 anëtarë të trupave të artit nga deti, duke përdorur tragetin Mangyongbong-92 si një përjashtim ndaj sanksioneve detare të vendosura në Veri, e cila është një lëvizje e diskutueshme mes shqetësimeve që Veriu po përpiqet të përdorë Olimpiada të shmanget nga sanksionet ndërkombëtare./arbresh.info/