Ministri gjerman i shëndetësisë Jens Spahn ka dalë pozitiv për koronavirusin, tha të mërkurën Ministria e Shëndetësisë.

Ministria tha se 40-vjeçari Spahn ishte larguar menjëherë në izolim dhe se deri më tani ai ka zhvilluar “simptoma të ngjashme me të ftohtin”, transmeton portali arbresh.info

Ministria e shëndetësisë konfirmoi se të gjithë ata që ishin në kontakt me Spahn ishin informuar, megjithëse asnjë anëtar i kabinetit të kancelares Angela Merkel nuk do të izolohet – pavarësisht se ishte takuar me ministrin e shëndetësisë gjatë një takimi më herët të mërkurën.

“Kabineti Federal takohet në përputhje me rregullat e higjienës dhe distancës, të cilat synojnë të sigurojnë që edhe nëse një person që më vonë rezulton pozitiv, do të marrë pjesë, karantinimi i të tjerëve apo edhe i të gjithë pjesëmarrësve nuk do të ishte i nevojshëm “, tha një zëdhënës i qeverisë.

Kur u informua për diagnozën e Spahn, Merkel i uroi atij një shërim të shpejtë, konfirmoi zëdhënësi. Ministri i Jashtëm gjerman Heiko Maas shprehu ndjenja të ngjashme ndërsa shkroi në Twitter: “Ne po i mbajmë gishtat e kryqëzuar për ju”./arbresh.info/