Ministri gjerman i Mbrojtjes, Boris Pistorius e ka akuzuar presidentin rus, Vladimir Putin se është duke e luajtur një lojë me Ukrainën, derisa i ka dënuar ashpër sulmet e fundit ajrore të Rusisë gjatë nates, raporton The Guardian.

“Pamë që sulmet ndaj infrastrukturës civile nuk janë zbutur aspak natën e parë pas këtij telefonate gjoja të madhe, midis Putinit dhe presidentit amerikan Donald Trump”, tha Pistorius në një intervistë televizive, cituar nga AFP.

Gjithashtu, ministri i konsderoi si “të papranueshme” këmbënguljen e Kremlinit që “kusht kyç” për paqen të jetë ndalimi i plotë i mbështetjes ushtarake dhe të inteligjencës nga Perëndimi për ushtrinë ukrainase.

“Kjo është shumë e qartë”, tha Pistorius, duke shtuar se qëllimi i Putinit është t’i parandalojë mbështetësit e Kyivit nga “vazhdimi i ndihmës për Ukrainën dhe mundësimi i saj për t’u mbrojtur vërtet nëse ka një sulm tjetër, gjatë ose pas një armëpushimi”, shtoi ai.