Autoritetet gjermane kanë nisur një hetim në një varg vdekjes, pasi një punonjës është kapur duke tentuar t’ia helmojë kolegut drekën.

Policia gjeti merkur, plumb dhe kadmium në shtëpinë e të dyshuarit, transmeton portali arbresh.info.

Ai është arrestuar për incidentin në qytetin Schloß Holte-Stukenbrock, veriperëndim të Gjermanisë.

Megjithatë, policia tani dyshon që ai mund të jetë përgjegjës për vdekjen e 21 njerëzve që punonin në kompaninë e njëjtë.

56 vjeçari u arrestua në maj të këtij viti, pasi një nga kolegët e tij vërejti pudër të bardhë në ushqimin e tij. Gati-viktima njoftoi superiorët e tij dhe u kërkoi që të shikonin xhirimet e kamerave të sigurisë, ku u pa i dyshuari duke i vënë substancën drekës së kolegut.

I dyshuari ka punuar për ARI Armaturen për 38 vjet, tha menaxheri Blechinger, duke e përshkruar njeriun si “dukshëm që s’bie në sy”. I dyshuari ka zgjedhur të qëndrojë i heshtur pas arrestit./Arbresh.info/