Mbretëresha ka bërë thirrje që Princi Charles të emërohet pasardhës i saj si kreu i Komonuelthit.

Elizabeth ka shprehur dëshirën e saj në takimin formal të Krerëve të Qeverisë së Komonuelthit që po mbahet në Londër për herë të parë në 20 vjet, transmeton portali arbresh.info.

“Është dëshira ime e sinqertë që Komonuelthi të vazhdojë të ofrojë stabilitet dhe vazhdimësi të gjeneratave”, tha ajo. “Dhe do të vendoset që një ditë Princi i Uellsit të vazhdojë punën e rëndësishme të nisur nga babai im më 1949”.

Kreu i opozitës britanike Jeremy Corbyn ka bërë thirrje për një presidencë të radhës kur Mbretëresha, e cila është 91 vjeç, të largohet. Një vendim për çështjen e trashëgimisë pritet gjatë dy ditëve të ardhshme.

Aleanca e 53 kombeve të Komonuelthit u lind si një mbetje e Perandorisë Britanike. Disa besojnë se kjo do të jetë me rëndësi të madhe për Mbretërinë e Bashkuar në epokën pas Brexit./Arbresh.info/