Rreth 330,000 fëmijë ishin viktima të abuzimit seksual brenda Kishës Katolike të Francës gjatë 70 viteve të fundit, sipas një raporti të madh të publikuar të enjten që është llogaritja e parë e madhe e Francës me fenomenin shkatërrues.

Shifra përfshin abuzimet e kryera nga 3 mijë priftërinjë dhe njerëz të tjerë të përfshirë në skandal, transmeton portal arbresh.info

Në lidhje me skandalin kreu i peshkopëve francezë ka kërkuar falje, ndërsa po diskutohen hapat e ardhshëm.

Komisioni i kërkoi kishës të ndërmarrë veprime të forta, duke denoncuar “gabimet” dhe “heshtjen”. Ai gjithashtu i bëri thirrje shtetit francez të ndihmojë në kompensimin e viktimave, veçanërisht në rastet që janë shumë të vjetra për t’u ndjekur penalisht përmes gjykatave.

Rreth 80% e viktima nga abuzimi seksual në Kishën franceze ishin djem.

Raporti thotë se rreth 3,000 abuzues të fëmijëve, dy të tretat priftërinjë, punuan në Kishë gjatë asaj periudhe.

Raporti thekson se 22 krime të dyshuara që ende mund të ndiqen janë përcjellë tek prokurorët. Më shumë se 40 raste që janë shumë të vjetra për t’u ndjekur penalisht, por përfshijnë autorë të dyshuar që janë ende gjallë, u janë përcjellë zyrtarëve të kishës.

Papa Françesku nxori në maj 2019 një ligj të ri novator të kishës që kërkon nga të gjithë priftërinjtë dhe murgeshat katolike në të gjithë botën të raportojnë abuzimin seksual.