Kandidatje e ekstremit të djathtë për Presidente të Francës, Marine Le Pen, i ka bërë thirrje vendit të saj që të heq dorë nga euro, duke e përshkruar monedhën e përbashkët të BE-së si  ‘thikë në kurriz të njerëzve’.

Në një intervistë për BBC, ajo ka folur për vizionin e saj mbi të ardhmen e Evropës, zgjedhjet në Francë, Gjerman dhe Holandë, si dhe për Britaninë e Madhe pas Brexit, transmeton portali arbresh.info.

Ajo ka theksuar se BE-ja duhet të ndryshojë dhe të braktisë karakterin e saj autoritar, përndryshë ‘do të vdesë’.

Le Pen ka shtuar se monedha e përbashkët e BE-së, euro, nuk është ‘vlerë monetare, por armë politike’.

“Euro është një thikë në shpinë për të gjithë qytetarët e BE-së”, ka shtuar ajo.

Ajo gjithashtu ka shtuar se nëse Bashkimi Evropian nuk do të transferojë kompetencat në Paris, atëherë do të ballafaqohet me një Frexit.

“BE-ja duhet t’ja japë Francës mbështetjen e sovranitetit territorial, mbrojtjen e kufijve, kontrollin mbi ekonomi, kontrollin mbi monedhën e tyre dhe mbi ligjin e tyre, ose unë do të kërkoj nga populli francez që të largohet nga BE-ja”, ka shtuar ajo.

Ajo ka shtuar se e ardhmja e qeverisë franceze është largimi nga Eurozona dhe mbajtja e një referendum e stilit Brexit.

Në fillim të këtij muaji, Le Pen, është zotuar që do të fusë një taksë të re punëtorët nga vendet tjera, duke pretenduar se paratë e ngritura do të përdoren për sistemin e mirëqenies në Francë./Arbresh.info