Presidenti francez, Emmanuel Macron, ka refuzuar të bëjë një test rus për Covid përpara takimit të tij me Vladimir Putin në Rusi.

Testi kërkonte një protokoll shëndetësor që ishte i papranueshëm dhe nuk përputhej me orarin e liderit francez, tha një burim francez për BBC, transmeton portal arbresh.info

Kjo pason raportet se Macron refuzoi testin rus, pasi kishte frikë se rusët do të merrnin AND-në e tij.

Udhëheqësit mbajtën më pas një takim të distancuar.

Ata nuk shtrënguan duar dhe u ulën në një tavolinë katër metra të gjatë.

Por burime diplomatike franceze i thanë Reuters se Macronit i ishte thënë të zgjidhte midis pranimit të një testi rus PCR për t’u afruar me Putinin ose respektimin e rregullave strikte të distancimit shoqëror.

Kremlini konfirmoi se Macron ishte mbajtur në distancë nga udhëheqësi rus sepse ai kishte refuzuar të bënte një test rus.

Zëdhënësi i Kremlinit Dmitry Peskov tha se Rusia e kupton qëndrimin francez dhe se kjo nuk ka ndikuar në bisedimet./arbresh.info/