Ministria e Mbrojtjes së Belgjikës ka blerë një rezervë raketash me rreze të shkurtër veprimi Sea Sparrow nga Gjermania dhe planifikon të dorëzojë më shumë se gjysmën e tyre në Ukrainë, raporton gazeta belge L’Echo.

Belgjika ka blerë 14 raketa deti-ajër të drejtuara nga radarët dhe qeveria federale në Bruksel planifikon t’i dhurojë Kievit tetë nga këto armë. Sea Sparrow mund të shndërrohen në raketa tokë-ajër ose të përdoren për të pajisur dronët.

Më herët gjatë verës, Belgjika njoftoi planet për të dërguar automjete të blinduara të rinovuara M113 në Ukrainë, së bashku me Holandën dhe Luksemburgun.

Të tre vendet janë gjithashtu pjesë e një koalicioni të ri ndërkombëtar për të trajnuar pilotët ukrainas në avionët luftarakë F-16 të shpallur në samitin e NATO-s në Vilnius në korrik./abcnews.al