“Njësitë tona sot vendosën sërish kontrollin në Sabratah dhe Sorman. Njësitë tona në qytetin Sabratah konfiskuan mjetet e blinduara, raketat Grad dhe 10 tanke të Emirateve të Bashkuara Arabe (EBA)”, tha Kununu.

Forcat e Qeverisë së Pajtimit Kombëtar (GNA) të Libisë e cila njihet nga OKB-ja kanë marrë sërish kontrollin e qytetit Sabratah i cili ishte nën pushtimin e Khalifa Haftarit, liderit të forcave të armatosura jolegjitime në lindje të vendit.r

Zëdhënësi i njësive ushtarake të Qeverisë së Pajtimit Kombëtar (GNA), Muhammed Kununu, një një deklaratë me shkrim njoftoi se pas marrjes sërish nga milicët e Haftarit kanë siguruar kontrollin e plotë në qytetin Sabratah i cili ndodhet në perëndim të kryeqytetit Tripoli.

“Njësitë tona sot vendosën sërish kontrollin në Sabratah dhe Sorman. Njësitë tona në qytetin Sabratah konfiskuan mjetet e blinduara, raketat Grad dhe 10 tanke të Emirateve të Bashkuara Arabe (EBA)”, tha në deklaratën e tij Kununu.

Ai bëri të ditur se operacioni i ndërmarrë sot është kryer në mënyrë të planifikuar në kuadër të objektivave të operacionit “Stuhia e Paqes” i filluar më 25 mars.

Pas marrjes nën kontroll të qytetit Sorman këtë mëngjes, zëdhënësi Kununu në një deklaratë u bëri thirrje milicëve të Haftarit që “të lënë armët dhe të dorëzohen”.

Burimet lokale theksojnë se në Sorman i cili ndodhet në perëndim të Tripolit banojnë 70 mijë njerëz ndërsa Sabratah ka një popullatë prej rreth 150 mijë banorësh./aa/