Katër liderë evropianë kanë thirrur për ‘Bashkim Federal’ të Evropës në mënyrë që të forcojnë marrëdhëniet mes shteteve teksa Brukseli i afrohet datës së “divorcit’’ të parë në përvjetorin e 60 të tij.

Përfaqësues të dhomave të ulëta të parlamenteve në Francë, Itali, Gjermani dhe Luksemburg kanë shkruar një letër në gazetën italiane La Srampa, duke u kërkuar shteteve anëtare të mos ‘paralizohen nga frika’ e Brexit-it ose ‘shqetësimet në lidhje me zgjedhjet e ardhshme në vendet e tjera’, transmeton arbresh.info.

Claude Bartolone nga Asambleja Kombëtare e Francës, Laura Boldrini nga Dhoma e Deputetëve italiane, Norbert Lammert nga Bundestagu gjerman, dhe Mars Di Bartolomeo nga Dhoma e Deputetëve të Luksemburgut e publikuan letrën para takimit të udhëheqësve parlamentarë që do të mbahet në Romë me 17 mars.

Liderët do të takohen të shënojnë 60 vjetorin e Traktatit të Romës, i cili formoi Komunitetin Ekonomik Evropian, para se të formohej Bashkimi Evropian.

Në letër shkruhej: “Tani është momenti i lëvizjes drejt integrimit politik- Bashkimit Federal të Shteteve me kompetenca të gjera”.

“Ata që besojnë në idealet Evropiane, duhet të jenë në gjendje t’u japin jetë në vend se të pafuqishëm të vështrojnë muzgun e saj të ngadalshëm”, thuhej më tej në këtë letër./Arbresh.info